ຊື່ຜະລິດຕະພັນ: ALIHYDROCORTISONE
ສ່ວນປະກອບ:
ໃນ 1 ເມັດປະກອບດ້ວຍ:
Hydrocortisone………………….10mg.
ຂໍ້ບົ່ງໃຊ້:
- ນຳໃຊ້ເປັນຢາ ໃນການປິ່ນປົວພາວະການທຳງານຂອງຕ່ອມເທິງໝາກໄຂ່ຫຼັງບໍ່ພຽງພໍ ຫຼື ພາວະຕ່ອມເທິງໝາກໄຂ່ຫຼັງ ທຳງານຜິດປົກກະຕິ ແຕ່ກຳເນີດ.
- ຍັງສາມາດນໍາໃຊ້ເພື່ອປິ່ນປົວອາການ ຂອງພະຍາດປະດົງຂໍ່, ພະຍາດຜິວໜັງອັກເສບ, ເອັນ, ກະດູກ ແລະ ກ້າມເນື້ອ, ຕາອັກເສບ, ອາການໄຂ້ ຈາກພະຍາດ ລູມາຕິກ, ພະຍາດປະດົງ, ອັກເສບຫຼອດລົມ, ພະຍາດພູມແພ້ຕ່າງໆ, ປິ່ນປົວການຕິດເຊື້ອຮຸນແຮງ ລວມທັງອາການຊັອກຕ່າງໆ.
ວິທີໃຊ້:
- ນຳໃຊ້ພາຍໃຕ້ຄຳຊີ້ນຳຂອງແພດໝໍ.
- ແນະນໍາໃຫ້ໃຊ້ໃນປະລິມານ 20-30mg ຕໍ່ຄັ້ງ ຕໍ່ວັນ, ຫຼືແບ່ງເປັນສອງຄັ້ງ ໃນຕອນເຊົ້າກິນ 2/3 ແລະຕອນທຽງກິນ 1/3 ຫຼັງຈາກອາຫານທ່ຽງ. ຂຶ້ນກັບສະພາບຄວາມຮຸນແຮງຂອງອາການ, ການດັດປັບປະລິມານການນໍາໃຊ້ເພີ່ມຂຶ້ນຕາມຄວາມເຫມາະສົມ, ໂດຍທົ່ວໄປການເພີ່ມຂຶ້ນ ຈະປັບຂຶ້ນ ໃນປະລິມານ 80mg ຕໍ່ມື້.
- ອີງຕາມສະພາບຄວາມຮຸນແຮງຂອງຄົນເຈັບ ການດັດປັບປະລິມານເພີ່ມຂຶ້ນ ບໍ່ຄວນເກີນ 240mg ຕໍ່ມື້.
ຂໍ້ຫ້າມໃຊ້:
- ຫ້າມໃຊ້ໃນຜູ້ແພ້ຢານີ້.
- ໃນຄົນເຈັບທີ່ມີການຕິດເຊື້ອລາ ຕ່າງໆ.
ຄຳເຕືອນ:
- ໃນລະຫວ່າງການນໍາໃຊ້ຢານີ້ ອາດພາໃຫ້ກະຕຸ້ນການຕິດເຊື້ອໃໝ່.
- ການໃຊ້ຢານີ້ ເປັນເວລາດົນນານໃນຄົນເຈັບທີ່ມີ ຕໍ້ກະຈົກທີ່ຕາ, ຄົນເຈັບທີ່ມີອາການຄວາມດັນຕາສູງ ສາມາດພາໃຫ້ເສັ້ນປະສາດຕາຖືກທຳລາຍ.
- ໃນແມ່ຍິງຖືພາ, ແມ່ຍິງລ້ຽງລູກດ້ວຍນ້ຳນົມແມ່ ຄວນຫຼີກລ້ຽງການນໍາໃຊ້ເທົ່າທີ່ເຮັດໄດ້.
- ການໃຊ້ໃນເດັກ ອາດມີຜົນກະທົບຕໍ່ ການພັດທະນາ ແລະ ການເຕີບໃຫຍ່.
- ການໃຊ້ຢານີ້ ໃນຜູ້ສູງອາຍຸ ຄວນລະມັດລະວັງ ດຸໝັ່ນກວດຄວາມດັນເລືອດ ແລະ ກວດລະດັບຂຸຍກະດູກ ໃນຊ່ວງການນໍາໃຊ້.
ຜົນຂ້າງຄຽງ:
- ລະດັບຂອງບັນດາສານ Electrolyte ຜິດປົກກະຕິ, ເຊັ່ນ ເກີດມີການສະສົມ Sodium retention, ການສູນເສຍ Potassium, ການເກີດຄວາມດັນເລືອດສູງຂຶ້ນ ອື່ນໆ.
- ການເກີດພະຍາດ ກ່ຽວກັບ ກະດູກ ແລະ ກ້າມເນື້ອເຊັ່ນການເກີດ ກ້າມເນື້ອອ່ອນເພຍ, ການເກີດພະຍາດກະດູກຂຸຍ.
- ການເກີດພະຍາດກະເພາະ ແລະ ລໍາໄສ້.
- ອາການຫນ້າແດງ ອື່ນໆ.
- ພົບອາການ ຢຸດການຈະເລີນເຕີບໃຫຍ່ ໃນເດັກເຮັດໃຫ້ເດັກນ້ອຍຂາດການພັດທະນາເຕີບໃຫຍ່ ແລະ ຫຼຸດຜ່ອນ ຄວາມທົນທານ ຕໍ່ກັບປະຕິກິລິຢາຂອງ Carbohydrate.
ຮູບແບບ: ຢາເມັດສີຂາວ.
ວັນທີໝົດອາຍຸ: 24 ເດືອນ ຫຼັງຈາກວັນທີຜະລິດ.
ຂະໜາດບັນຈຸ:
- ບັນຈຸໃນກັບ, 1 ກັບມີ 2 ແຜງ, 1 ແຜງມີ 7 ເມັດ.
ການເກັບຮັກສາ:
• ເກັບຮັກສາໄວ້ໃນກັບກ່ອງ ບັນຈຸເດີມ, ບໍ່ໃຫ້ຖືກແສງ ເກັບໄວ້ໃນຫ້ອງທີ່ມີ ອຸນຫະພູມ ລະຫວ່າງ 20℃-25℃.
• ເກັບໄວ້ໃຫ້ຫ່າງໄກຈາກມືເດັກນ້ອຍ.
ຂໍ້ຄວາມປະຕິເສດຄວາມຮັບຜິດຊອບ
ຂໍ້ມູນເທິງເວັບໄຊນີ້ກ່ຽວກັບຢາຂອງເຮົາແມ່ນມີຈຸດປະສົງເພື່ອການສຶກສາທົ່ວໄປເເທົ່ານັ້ນ ແລະ ບໍ່ຄວນຖືເປັນການແນະນຳທາງການແພດ, ການວິນິດໄສ ຫຼື ການປິ່ນປົວຈາກແພດຜູ້ຊ່ຽວຊານ. ຢ່າເບິ່ງຂ້າມຕໍ່ຄຳແນະນຳຂອງແພດຜູ້ຊ່ຽວຊານ ຫຼື ຊັກຊ້າໃນການເຂົ້າຮັບການຮັກສາ ຍ້ອນສິ່ງທີ່ໄດ້ອ່ານຈາກເວັບໄຊນີ້.
ເພື່ອຄວາມປອດໄພຂອງທ່ານ:
ຫ້າມວິນິດໄສຕົນເອງ ຫຼື ຮັກສາອາການໃດໆ ໂດຍອາໄສຂໍ້ມູນເທິງເວັບໄຊນີ້ພຽງຢ່າງດຽວ. ຖ້າຫາກທ່ານມີຄຳຖາມ ຫຼື ຂໍ້ກັງວົນກ່ຽວກັບຢາ ກະລຸນາ
