2026 Mid-Year Progress Report

ບົດສະຫຼຸບ

ຜົນສຳເລັດການພັດທະນາ 6 ເດືອນຕົ້ນປີ 2026

ຂອງ ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance)

1. ຈາກບໍລິສັດຢາຊັ້ນນຳ ຂອງລາວ ກ້າວໄປສູ່ການເປັນກຳລັງຫຼັກໃນອຸດສາຫະກຳການຜະລິດຢາຂອງພາກພື້ນອາຊີຕາເວັນອອກສ່ຽງໃຕ້

ໃນ 6ເດືອນຕົ້ນປີ 2026, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ສຸມໃສ່ການຈັດຕັ້ງປະຕິບັດຍຸດທະສາດການຂະຫຍາຍຕົວໃນລະດັບສາກົນ, ການຍົກລະດັບອຸດສາຫະກຳ, ນະວັດຕະກຳຜະລິດຕະພັນ, ການພັດທະນາບຸກຄະລາກອນ ແລະ ຂົງເຂດຢາຊີວະພາບທີ່ທັນສະໄໝ ຢ່າງຕໍ່ເນື່ອງ ເພື່ອເລັ່ງຊຸກຍູ້ການພັດທະນາອົງກອນໃຫ້ມີຄຸນນະພາບສູງ.

ນັບຕັ້ງແຕ່ໄດ້ເຂົ້າມາສ້າງຕັ້ງໂຮງງານຜະລິດ ຢູ່ເຂດພັດທະນາກວມລວມ ໄຊເສດຖາ ນະຄອນຫຼວງວຽງຈັນໃນປີ 2017 ເປັນຕົ້ນມາ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ຍຶດໝັ້ນໃນຍຸດທະສາດການພັດທະນາ ທີ່ຂັບເຄື່ອນດ້ວຍນະວັດຕະກຳ ແລະ ການຫັນເປັນສາກົນ ຢ່າງສະ ເໝີຕົ້ນສະເໝີປາຍ. ປັດຈຸບັນ, ບໍລິສັດມີສ່ວນແບ່ງຕະຫຼາດຢາ ກວມເອົາປະມານ 27% ຂອງຕະຫຼາດຢາທົ່ວປະເທດ, ກາຍເປັນ        ວິສາຫະກິດຜະລິດຢາ ທີ່ທັນສະໄໝຊັ້ນນຳ ແລະ ມີຂະໜາດໃຫຍ່ທີ່ສຸດໃນ ສປປ ລາວ.

ໃນປີ 2026 ບໍ່ພຽງແຕ່ເປັນປີທີ່ສຳຄັນສຳລັບ ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໃນການສືບຕໍ່ພັດທະນາຂະຫຍາຍຕະຫຼາດໃນ ສ ປປ ລາວ ເທົ່ານັ້ນ, ແຕ່ຍັງເປັນຈຸດເລີ່ມຕົ້ນທີ່ສຳຄັນ ໃນການເລັ່ງກ້າວໄປສູ່ການເປັນກຳລັງຫຼັກ ໃນຂະແໜງການຜະລິດຢາ ຂອງພາກພື້ນອາຊີຕາເວັນອອກສຽງໃຕ້.

II. ການຂະຫຍາຍຕົວໃນລະດັບສາກົນຢ່າງຕໍ່ເນື່ອງ ແລະ ບາດກ້າວທີ່ສຳຄັນໃນຕະຫຼາດອາຊຽນ.

ໃນເດືອນມັງກອນ 2026, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ລົງນາມໃນສັນຍາຮ່ວມທຶນຢ່າງເປັນທາງການ ກັບ ກຸ່ມບໍລິສັດ Mane ຂອງກຳປູເຈຍ ເພື່ອຮ່ວມກັນສ້າງຕັ້ງບໍລິສັດຮ່ວມທຶນໃໝ່. ບໍລິສັດໃໝ່ນີ້ ຈະອີງໃສ່ເຄືອຂ່າຍການຈຳໜ່າຍທ້ອງຖິ່ນ ທີ່ຄອບຄຸມທົ່ວປະເທດ ຂອງກຸ່ມບໍລິສັດ Mane, ເຊິ່ງກວມເອົາ 25 ແຂວງ-ນະຄອນທົ່ວປະເທດກຳປູເຈຍ ລວມທັງນະຄອນຫຼວງພະນົມເປັນ ເພື່ອດຳເນີນທຸລະກິດກະຈາຍຜະລິດຕະພັນຢາ ແລະ ຜະລິດຕະພັນເພື່ອສຸຂະພາບ, ອັນເປັນການວາງຮາກຖານ ທີ່ແຂງແກ່ນ ໃຫ້ແກ່ ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໃນການຂະຫຍາຍຕະຫຼາດອາຊຽນ ຕື່ມອີກ.

 ໃນຖານະທີ່ເປັນປະເທດສະມາຊິກອາຊຽນທີ່ສຳຄັນ, ກຳປູເຈຍ ມີຄວາມຕ້ອງການຜະລິດຕະພັນຢາ ທີ່ມີຄຸນນະພາບສູງ ແລະ ລາຄາທີ່ເໝາະສົມ ເພີ່ມຂຶ້ນຢ່າງຕໍ່ເນື່ອງ, ປະກອບກັບມີຊາຍແດນຕິດຈອດກັບ ສປປ ລາວ, ຈຶ່ງເຮັດໃຫ້ມີຄວາມສະດວກສະບາຍ ດ້ານການຂົນສົ່ງ ແລະ ມີຂໍ້ໄດ້ປຽບ ທາງດ້ານຕົ້ນທຶນ ລະບົບຕ່ອງໂສ້ອຸປະທານ ຢ່າງຊັດເຈນ.

 ນອກຈາກກຳປູເຈຍແລ້ວ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ຍັງໄດ້ບຸກເບີກຕະຫຼາດສາກົນຢ່າງຕັ້ງໜ້າ ໂດຍໄດ້ມີການແລກປ່ຽນ ແລະ ເຈລະຈາການຮ່ວມມື ຢ່າງເລິກເຊິ່ງກັບລູກຄ້າໃນ ປາກີສະຖານ, ມາເລເຊຍ, ມຽນມາ, ຟີລິບປິນ ແລະ ພາກພື້ນຕາເວັນອອກກາງ, ເຮັດໃຫ້ໂຄງສ້າງທຸລະກິດ ລະດັບສາກົນ ຂະຫຍາຍຕົວຢ່າງກວ້າງຂວາງ ຢ່າງຕໍ່ເນື່ອງ.

III. ເລັ່ງໃສ່ການກໍ່ສ້າງໂຮງງານແຫ່ງທີສອງ ມຸ່ງສູ່ການສ້າງຖານການຜະລິດຢາ ທີ່ທັນສະໄໝລະດັບສາກົນ.

ເພື່ອຕອບສະໜອງຄວາມຕ້ອງການ ຂອງຕະຫຼາດສາກົນໃນອະນາຄົດ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ສືບຕໍ່ຊຸກຍູ້ການກໍ່ສ້າງຖານການຜະລິດໃໝ່ ດ້ວຍມູນຄ່າການລົງທຶນທັງໝົດ 1,5 ຕື້ຢວນ. ພາຍຫຼັງໂຄງການດັ່ງກ່າວສຳເລັດ, ຄາດຄະເນວ່າ ຈະສ້າງມູນຄ່າຜົນຜະລິດປະຈຳປີ ໄດ້ສູງເຖິງ 5 ຕື້ຢວນ, ເຊິ່ງຈະຊ່ວຍຍົກລະດັບ ຂີດຄວາມສາມາດໃນການຜະລິດ ໂດຍລວມຂອງອົງກອນ ແລະ ເພີ່ມຄວາມສາມາດ ໃນການສະໜອງສິນຄ້າ ອອກສູ່ຕະຫຼາດສາກົນ.

ໂຮງງານແຫ່ງໃໝ່ນີ້ ຈະຖືກສ້າງຂຶ້ນຕາມມາດຕະຖານ GMP ສາກົນຢ່າງຄົບຖ້ວນ, ໂດຍຈະຫັນປ່ຽນລະບົບການຜະລິດ, ການຄຸ້ມຄອງຄຸນນະພາບ ແລະ ການຜະລິດແບບອັດສະລິຍະ ໃຫ້ເປັນຮູບແບບໃໝ່ທັງໝົດ, ພ້ອມທັງປັບປຸງໂຄງສ້າງການພັດທະນາ ທີ່ຂັບເຄື່ອນດ້ວຍ 2 ກົນໄກຫຼັກ ຄື: “ຢາສາມັນພື້ນຖານ (Generic Drugs) + ຢາເຕັກໂນໂລຊີ ຊີວະພາບ (Biotech Drugs)” ໃຫ້ມີຄວາມສົມບູນແບບຍິ່ງຂຶ້ນ.

ໂຄງການນີ້ ບໍ່ພຽງແຕ່ເປັນຕົວແທນ ໃຫ້ແກ່ການຍົກລະດັບກຳລັງການຜະລິດ ຂອງ ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ເທົ່ານັ້ນ, ແຕ່ຍັງເປັນຂີດໝາຍສະແດງໃຫ້ເຫັນເຖິງ ຄວາມມຸ່ງໝັ້ນໃນການເພີ່ມຂີດຄວາມສາມາດ ໃນການແຂ່ງຂັນລະດັບສາກົນ, ພ້ອມທັງຜັກດັນ “ການຜະລິດໃນລາວ (Made in Laos)” ກ້າວໄປສູ່ “ຄຸນນະພາບ ລະດັບລາວ (Lao Quality)” ຢ່າງບໍ່ຢຸດຢັ້ງ.

IV. ເປີດໂຕການຜະລິດຢາ ເທິຊີພາໄທດ໌ (Tirzepatide) ຢ່າງເປັນທາງການ ຄວາມກ້າວໜ້າໃໝ່ ດ້ານກຳລັງການຜະລິດຢາຊີວະພາບ.

ໃນປີ 2026, ຜະລິດຕະພັນຢາສາມັນ ທີ່ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ຄົ້ນຄວ້າ ແລະ ພັດທະນາດ້ວຍຕົນເອງ ພາຍໃຕ້ຊື່ ALI-TIRZEP (Tirzepatide/ເທິຊີພາໄທດ໌) ແມ່ນໄດ້ເຂົ້າສູ່ຂັ້ນຕອນ ການຜະລິດໃນລະດັບອຸດສາຫະກຳ ຢ່າງເປັນທາງການ.

ຜະລິດຕະພັນດັ່ງກ່າວ ຖືກອອກແບບມາໃນຮູບແບບ ປາກກາສີດຢາແບບຫຼາຍໂດສ (Multi-dose Cartridge Injection Pen) ເຊິ່ງມີຈຸດເດັ່ນຄື: ຄວາມສະດວກສະບາຍໃນການນຳໃຊ້ ແລະ ງ່າຍຕໍ່ການພົກພາ. ໃນຖານະທີ່ເປັນຢາກຸ່ມ GIP/GLP-1 receptor agonist (ຢາກະຕຸ້ນຕົວຮັບຄູ່) ທີ່ກຳລັງໄດ້ຮັບຄວາມສົນໃຈໃນລະດັບໂລກ, ຢາເທິຊີພາໄທດ໌ ມີຂໍ້ກຳນົດ ແລະ ມາດຕະຖານທາງເຕັກນິກທີ່ສູງຫຼາຍ ທາງດ້ານການຄົ້ນຄວ້າ, ການຜະລິດ ແລະ ການຄວບຄຸມຄຸນນະພາບ.

ການປະສົບຜົນສຳເລັດ ໃນການເປີດໂຕການຜະລິດຄັ້ງນີ້ ເປັນການຍົກລະດັບຂຶ້ນໄປອີກຂັ້ນໜຶ່ງ ຂອງ ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ທາງດ້ານການຄົ້ນຄວ້າ, ການຜະລິດ ແລະ ການຫັນເປັນອຸດສາຫະກຳ ຢາຊີວະພາບ, ທັງເປັນການເພີ່ມຄວາມຫຼາກຫຼາຍ ໃຫ້ແກ່ກຸ່ມຜະລິດຕະພັນຫຼັກ ເພື່ອຮອງຮັບຕະຫຼາດສາກົນ.

V. ສຸມໃສ່ຄວາມຕ້ອງການຂອງຊາດ ເລັ່ງວາງໂຄງສ້າງຢາທີ່ສຳຄັນ ແລະ ເຕັກໂນໂລຊີທີ່ທັນສະໄໝ.

ໃນວັນທີ 13 ພຶດສະພາ 2026, ທ່ານ ນາງ ໃບຄຳ ຂັດຕິຍະ ກໍາມະການສູນກາງພັກ,  ລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະຮັບຜິດຊອບ ຈາກພາກສ່ວນທີ່ກ່ຽວຂ້ອງ ໄດ້ໃຫ້ກຽດເຂົ້າຢ້ຽມຢາມ ແລະ ຕິດຕາມຄວາມຄືບໜ້າ ຢູ່ໂຮງງານແຫ່ງທີ 2 ຂອງ ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance), ພ້ອມທັງຮ່ວມກອງປະຊຸມແລກປ່ຽນຍຸດທະສາດຮ່ວມກັນ. ໂດຍອີງໃສ່ຄວາມຕ້ອງການ ດ້ານການພັດທະນາວຽກງານສາທາລະນະສຸກ ຂອງ ສປປ ລາວ, ທັງສອງຝ່າຍໄດ້ມີການປຶກສາຫາລື ຢ່າງເລິກເຊິ່ງ ກ່ຽວກັບການຫັນການຜະລິດຢາປິ່ນປົວທາງຈິດ ໃຫ້ເປັນການຜະລິດພາຍໃນປະເທດ, ການຈັດຕັ້ງປະຕິບັດການຜະລິດຢາສະລົບ ໃຫ້ໄດ້ມາດຕະຖານ ແລະ ທິດທາງການພັດທະນາ ອຸດສາຫະກຳໃນອະນາຄົດ.

ປັດຈຸບັນ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ກຳລັງເລັ່ງຊຸກຍູ້ ການຄົ້ນຄວ້າ, ພັດທະນາ ແລະ ກຽມຄວາມພ້ອມ ໃນການຜະລິດຢາປິ່ນປົວທາງຈິດ ເພື່ອເປັນສ່ວນໜຶ່ງ ໃນການຊ່ວຍເພີ່ມຂີດຄວາມສາມາດ ໃນການກຸ້ມຕົນເອງ ດ້ານຢາຊະນິດພິເສດ ຂອງ ສປປ ລາວ. ໃນເວລາດຽວກັນ, ບໍລິສັດຍັງໄດ້ໃຫ້ຄວາມສຳຄັນ ຢ່າງຕໍ່ເນື່ອງ ຕໍ່ກັບການພັດທະນາ ຂົງເຂດຈຸລັງສືບພັນ (Stem Cell) ແລະ ເວຊະສາດຟື້ນຟູ (Regenerative Medicine), ໂດຍໄດ້ຈັດກອງປະຊຸມສໍາມະນາ ທາງເຕັກນິກສະເພາະ ເພື່ອເປັນການກຽມຄວາມພ້ອມ ທາງດ້ານເຕັກໂນໂລຊີ ໃຫ້ແກ່ໂຄງສ້າງ ອຸດສາຫະກຳຢາຊີວະພາບ ໃນອະນາຄົດ.

VI. ເພີ່ມທະວີການຮ່ວມມືລະຫວ່າງ ສະຖາບັນການສຶກສາ ແລະ ວິສາຫະກິດ ສ້າງລະບົບການສ້າງບຸກຄະລາກອນ ລະດັບສາກົນ

ບຸກຄະລາກອນ ຄືເສົາຄ້ຳຫຼັກ ໃນການຂັບເຄື່ອນ ການພັດທະນາອົງກອນ ໃຫ້ມີຄຸນນະພາບສູງ. ໃນປີ 2026, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ສ້າງຕັ້ງສາຍພົວພັນການຮ່ວມມື ລະຫວ່າງ ສະຖາບັນການສຶກສາ ແລະ ວິສາຫະກິດ ກັບ ວິທະຍາໄລການແພດ ແລະ ຢາ ຊູຊົງ (Chuxiong Medical Higher Specialized College) ເພື່ອຮ່ວມກັນສົ່ງເສີມ ການສ້າງບຸກຄະລາກອນ ດ້ານການແພດ ແລະ ຢາ ໃນລະດັບສາກົນ.

ໃນເດືອນມີນາ ປີ2026, ຄະນະຜູ້ແທນ ຈາກວິທະຍາໄລຊູຊົງ ໄດ້ເດີນທາງມາຖອດຖອນບົດຮຽນ ແລະ ຢ້ຽມຢາມຕົວຈິງ ຢູ່ທີ່ Alliance, ເຊິ່ງທັງສອງຝ່າຍ ໄດ້ບັນລຸຂໍ້ຕົກລົງການຮ່ວມມື ກ່ຽວກັບການສ້າງຖານຝຶກງານ ຢູ່ຕ່າງປະເທດ, ການສ້າງບຸກຄະລາກອນ ແບບກຳນົດເປົ້າໝາຍ (Tailored Training) ແລະ ການແລກປ່ຽນບຸກຄະລາກອນ ສອງທາງ ລະຫວ່າງ ສປ ຈີນ ແລະ ສປປ ລາວ.

ໃນເດືອນມິຖຸນາ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ເດີນທາງໄປຈັດກິດຈະກຳ ສະເໜີຮັບສະໝັກພະນັກງານ ຢູ່ທີ່ວິທະຍາໄລຊູຊົງ ໂດຍກົງ, ເຊິ່ງຖືເປັນຂີດໝາຍ ວ່າການຮ່ວມມືຂອງທັງສອງຝ່າຍ ໄດ້ກ້າວເຂົ້າສູ່ຂັ້ນຕອນ ການສ້າງ ແລະ ສົ່ງມອບບຸກຄະລາກອນ ຢ່າງເປັນຮູບປະທຳ.

ໃນອະນາຄົດ, ເມື່ອຖານການຜະລິດໃໝ່ ເລີ່ມເປີດດຳເນີນການ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ຈະສືບຕໍ່ລົງເລິກ ການຮ່ວມມືລະຫວ່າງ ສະຖາບັນການສຶກສາ ແລະ ວິສາຫະກິດ ເພື່ອຮັບປະກັນ ການສະໜອງບຸກຄະລາກອນ ໃຫ້ແກ່ການຂະຫຍາຍທຸລະກິດ ໃນລະດັບສາກົນ ຂອງບໍລິສັດ.

VII. ມາດຕະການເດັດຂາດ ໃນການຕ້ານສິນຄ້າປອມແປງ ເພື່ອປົກປ້ອງຄວາມປອດໄພ ຂອງຜູ້ປ່ວຍ ຢ່າງຕໍ່ເນື່ອງ

ເມື່ອບໍ່ດົນມານີ້, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance)ໄດ້ອອກ “ຖະແຫຼງການຢ່າງຈິງຈັງກ່ຽວກັບການປະກົດຕົວຂອງຜະລິດຕະພັນ ALI-TIRZEP ປອມໃນຕະຫຼາດ,” ໂດຍປົກປ້ອງພາບລັກຂອງບໍລິສັດ ແລະ ສິດ ແລະ ຜົນປະໂຫຍດທີ່ຖືກຕ້ອງຕາມກົດໝາຍ ຂອງຜູ້ບໍລິໂພກ.

ບໍລິສັດໄດ້ແຈ້ງເຕືອນຜູ້ບໍລິໂພກໃຫ້ຊື້ຜະລິດຕະພັນຜ່ານຊ່ອງທາງທາງການ ແລະ ກວດກາປ້າຍບັນຈຸພັນຜະລິດຕະພັນ, ເລກທີ່ອະນຸມັດຈາກອົງການອາຫານ ແລະ ຢາ ລາວ ແລະ ລະຫັດຕິດຕາມ ຕ້ານການປອມແປງທີ່ຖືກເຂົ້າລະຫັດຢ່າງເປັນທາງການ.

ບໍລິສັດຈະດຳເນີນການທາງກົດໝາຍຕໍ່ຜະລິດຕະພັນປອມແປງ ເພື່ອໃຫ້ສາມາດປົກປ້ອງຄວາມປອດໄພຂອງຢາຂອງຄົນເຈັບໄດ້ຢ່າງມີປະສິດທິພາບ.

VIII. ຊຸກຍູ້ນະວັດຕະກຳ ໃນການປິ່ນປົວພະຍາດສຳຄັນ ແລະ ພະຍາດຫາຍາກ: ຂີດໝາຍໃໝ່ ເພື່ອສຸຂະພາບຂອງປະຊາຊົນ

ໃນ 6 ເດືອນຕົ້ນປີ 2026, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ບັນລຸຜົນສຳເລັດຫຼາຍດ້ານ ໃນຂົງເຂດການປິ່ນປົວ ທີ່ມີມູນຄ່າສູງ ແລະ ມີຄວາມຕ້ອງການສູງ, ເຊິ່ງສະທ້ອນເຖິງຄວາມມຸ່ງໝັ້ນ ຂອງບໍລິສັດ ໃນການນຳສະເໜີຢາທີ່ປອດໄພ, ເຂົ້າເຖິງໄດ້ ແລະ ຜະລິດພາຍໃນປະເທດ ໃຫ້ແກ່ຄົນເຈັບໃນ ສປປ ລາວ ແລະ ທົ່ວພາກພື້ນ.

ALI-LENA (Lenacapavir): ຢາປິ່ນປົວ HIV ຊະນິດອອກລິດຍາວ ສຳລັບຜູ້ທີ່ດື້ຢາ

ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ດໍາເນິນການຄົ້ນຄວ້າ ແລະ ພັດທະນາ ຜະລິດຕະພັນ ALI-LENA, ເຊິ່ງມີທັງຮູບແບບຢາເມັດ ແລະ ຢາສັກເຂົ້າທາງກ້ອງຜິວໜັງ. Lenacapavir ແມ່ນຢາຕ້ານ capsid ຂອງໄວຣັສ HIV-1 ຮຸ່ນໃໝ່. ເມື່ອໃຊ້ຮ່ວມກັບຢາຕ້ານໄວຣັສຊະນິດອື່ນ, ALI-LENA ມີຂໍ້ບົ່ງໃຊ້ ໃນການປິ່ນປົວການຕິດເຊື້ອ HIV-1 ໃນຄົນເຈັບຜູ້ໃຫຍ່ ທີ່ເຄີຍຜ່ານການປິ່ນປົວດ້ວຍຢາມາຫຼາຍແລ້ວ ແຕ່ບໍ່ໄດ້ຜົນ ເນື່ອງຈາກການດື້ຢາຫຼາຍຊະນິດ, ການແພ້ຢາ ຫຼື ບັນຫາຄວາມປອດໄພ ໃນການໃຊ້ຢາ, ຊຶ່ງເປັນກຸ່ມຄົນເຈັບທີ່ປິ່ນປົວໄດ້ຍາກທີ່ສຸດ.

ຈຸດເດັ່ນສຳຄັນ ຂອງ ALI-LENA ຄື ການປິ່ນປົວແບບອອກລິດຍາວ: ພາຍຫຼັງການເລີ່ມຕົ້ນ, ການປິ່ນປົວແບບຕໍ່ເນື່ອງ ຈະໃຊ້ການສັກເຂົ້າທາງກ້ອງຜິວໜັງ ພຽງແຕ່ຄັ້ງດຽວໃນທຸກໆ 6 ເດືອນ, ເຊິ່ງເພີ່ມຄວາມສະດວກສະບາຍ ແລະ ຊ່ວຍໃຫ້ຄົນເຈັບ ປະຕິບັດຕາມການປິ່ນປົວໄດ້ດີຂຶ້ນ. ໃນຖານະທີ່ເປັນຜະລິດຕະພັນ ທີ່ຜະລິດພາຍໃນປະເທດ ຕາມມາດຕະຖານ GMP ສາກົນ, ALI-LENA ຖືເປັນບາດກ້າວສຳຄັນ ໃນການເສີມສ້າງ ຄວາມສາມາດ ໃນການກຸ້ມຕົນເອງ ດ້ານຢາຕ້ານໄວຣັສ ຂອງ ສປປ ລາວ ແລະ ຂະຫຍາຍການເຂົ້າເຖິງ ການປິ່ນປົວ HIV ທີ່ທັນສະໄໝ ໃນທົ່ວພາກພື້ນອາຊຽນ.

ວັກຊີນ ປ້ອງກັນ HIV: ບາດກ້າວໃໝ່ ໃນການປົກປ້ອງສຸຂະພາບ ຂອງປະຊາຊົນ

ເພື່ອຕອກຢໍ້າ ຄວາມມຸ່ງໝັ້ນ ໃນການຕ້ານໄພ HIV/AIDS, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໄດ້ຮັບການຢັ້ງຢືນ ຈາກ ກົມອາຫານ ແລະ ຢາ (FDD) ສຳລັບ ວັກຊີນ ປ້ອງກັນ HIV. ຜົນສຳເລັດນີ້ ເປັນການເສີມ ໃຫ້ແກ່ຊຸດຜະລິດຕະພັນ ປິ່ນປົວ HIV ຂອງກຸ່ມບໍລິສັດ ແລະ ສະທ້ອນເຖິງ ການລົງທຶນໄລຍະຍາວ ໃນຂົງເຂດເຕັກໂນໂລຊີຊີວະພາບ ແລະ ການຄົ້ນຄວ້າ ດ້ານພູມຄຸ້ມກັນ ເພື່ອຮ່ວມສະໜັບສະໜູນ ວຽກງານສາທາລະນະສຸກ ຂອງຊາດ ແລະ ພາກພື້ນ ໃນການຫຼຸດຜ່ອນ ການຕິດເຊື້ອ HIV ລາຍໃໝ່. ລາຍລະອຽດ ຂອງຜະລິດຕະພັນ, ຂໍ້ບົ່ງໃຊ້ ແລະ ການວາງຈຳໜ່າຍ ຈະໄດ້ຮັບການປະກາດ ຕາມການຊີ້ນຳ ຂອງພາກສ່ວນຄຸ້ມຄອງ.

ຢາປິ່ນປົວພະຍາດຫາຍາກ ສຳລັບຄວາມຜິດປົກກະຕິ ດ້ານການເຕີບໂຕ ໃນເດັກ (ພະຍາດເຕ້ຍແຄະ)

ນອກຈາກນີ້, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ຍັງໄດ້ຮັບການຢັ້ງຢືນ ຈາກ ກົມອາຫານ ແລະ ຢາ (FDD) ສຳລັບ ALIVOSO (vosoritide) ຊຶ່ງເປັນ ຢາປິ່ນປົວ ຄວາມຜິດປົກກະຕິ ດ້ານການເຕີບໂຕ ໃນເດັກ ລວມທັງ ພາວະຕົວເຕ້ຍແຄະ ແລະ ພະຍາດເຕ້ຍແຄະ . ຄົນເຈັບ ພະຍາດຫາຍາກ ໂດຍສະເພາະ ເດັກນ້ອຍ ແມ່ນມີການເຂົ້າເຖິງ ການປິ່ນປົວສະເພາະດ້ານ ໄດ້ຈຳກັດ ໃນພາກພື້ນ. ດ້ວຍການຄົ້ນຄວ້າ, ພັດທະນາ ແລະ ຂຶ້ນທະບຽນ ຜະລິດຕະພັນນີ້, Alliance ໄດ້ຊຸກຍູ້ ພັນທະກິດ ໃນການຮັບໃຊ້ ກຸ່ມຄົນເຈັບ ທີ່ຍັງເຂົ້າບໍ່ເຖິງການປິ່ນປົວ ແລະ ເຮັດໃຫ້ ຢາປິ່ນປົວ ສະເພາະດ້ານ ທີ່ມີມູນຄ່າສູງ ສາມາດເຂົ້າເຖິງໄດ້ ແລະ ລາຄາເໝາະສົມ ຫຼາຍຂຶ້ນ ໃນ ສປປ ລາວ ແລະ ຕະຫຼາດໃກ້ຄຽງ.

ມຸ່ງໄປສູ່ອະນາຄົດ

ມຸ່ງໝັ້ນເລີ່ມຕົ້ນການພັດທະນາໃໝ່ຢ່າງບໍ່ຢຸດຢັ້ງ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ຈະສືບຕໍ່ຍຶດໝັ້ນໃນຍຸດທະສາດການພັດທະນາທີ່ຂັບເຄື່ອນດ້ວຍນະວັດຕະກໍາ ແລະ ສາກົນ, ເລັ່ງການຂະຫຍາຍຕະຫຼາດສາກົນ, ແລະ ປັບປຸງຄວາມສາມາດໃນການຄົ້ນຄວ້າ ແລະ ພັດທະນາ, ຄວາມສາມາດໃນການຜະລິດທີ່ສະຫຼາດ ແລະ ລະດັບການຄຸ້ມຄອງຄຸນນະພາບຢ່າງຕໍ່ເນື່ອງ.

ໃນອະນາຄົດ, ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ຈະສືບຕໍ່ສຸມໃສ່ການພັດທະນາຢາທົ່ວໄປທີ່ມີຄຸນນະພາບສູງ, ຢາຊີວະພາບເຕັກໂນໂລຊີ, ແລະ ເຕັກໂນໂລຊີທາງການແພດທີ່ທັນສະໄໝ, ສະໜອງຜະລິດຕະພັນຢາທີ່ປອດໄພກວ່າ, ມີຄຸນນະພາບສູງກວ່າ, ແລະ ສາມາດເຂົ້າເຖິງໄດ້ງ່າຍກວ່າສຳລັບ ສ ປປ ລາວ ແລະ ພາກພື້ນອາຊຽນ ແລະ ປະກອບສ່ວນຄວາມເຂັ້ມແຂງຂອງ ກຸ່ມບໍລິສັດ ລາວພັນທະມິດ ຟາມາ ກຣຸບ ຈໍາກັດ (Alliance) ໃນການສົ່ງເສີມການພັດທະນາຄຸນນະພາບສູງຂອງອຸດສາຫະກຳຢາໃນພາກພື້ນ.

#AlliancePharma #LaoQuality #MadeInLaos #ອຸດສາຫະກຳຢາລາວ #Healthcare #PharmaInnovation #ASEAN

I. From Laos’ Leading Pharmaceutical Company to a Driving Force in Southeast Asian Pharmaceutical Manufacturing

During the first half of 2026, Alliance Pharma Group continued to execute its long-term strategy focused on international expansion, manufacturing excellence, product innovation, talent development, and advanced biopharmaceutical technologies. These initiatives have strengthened the company’s capabilities while laying the foundation for sustainable long-term growth.

Since establishing its manufacturing operations in the Saysettha Development Zone in 2017, Alliance has remained committed to innovation, quality, and international development. Today, the company holds approximately 27% of the Lao pharmaceutical market, making it the country’s largest and most advanced pharmaceutical manufacturer.

More than a milestone for Alliance, 2026 marks the beginning of a new chapter as the company accelerates its vision of becoming a leading pharmaceutical manufacturing partner across Southeast Asia.

II. Accelerating International Growth and Expanding Across ASEAN

In January 2026, Alliance officially signed a joint venture agreement with Cambodia’s Mane Group to establish a new company serving the Cambodian market.

Leveraging Mane Group’s nationwide distribution network across all 25 provinces and Phnom Penh, the joint venture will distribute pharmaceuticals and healthcare products while providing a strong foundation for Alliance’s continued expansion throughout ASEAN.

Beyond Cambodia, Alliance has continued to strengthen relationships with partners across Pakistan, Malaysia, Myanmar, the Philippines, and the Middle East, further expanding its international business network and creating new opportunities for future growth.

III. Advancing Construction of Our Second Manufacturing Campus

To meet growing international demand, Alliance continues construction of its second pharmaceutical manufacturing campus, representing a total investment of RMB 1.5 billion.

Upon completion, the facility is expected to generate annual production value of up to RMB 5 billion, significantly increasing manufacturing capacity and strengthening the company’s ability to serve global markets.

Designed to meet international GMP standards, the new facility will feature intelligent manufacturing systems, advanced quality management, and an integrated development strategy focused on both generic medicines and biopharmaceuticals.

This investment represents more than expanded manufacturing capacity—it reflects Alliance’s commitment to strengthening international competitiveness while elevating pharmaceutical manufacturing in Laos to a new standard of quality.

IV. ALI-TIRZEP Enters Commercial Manufacturing

In 2026, Alliance officially commenced commercial-scale manufacturing of ALI-TIRZEP (Tirzepatide), developed through the company’s own research and development program.

The product is manufactured as a multi-dose cartridge injection pen, offering greater convenience and ease of use for patients.

As a member of the globally recognized GIP/GLP-1 receptor agonist class of medicines, Tirzepatide requires exceptionally high standards in research, manufacturing, and quality control. This milestone represents another significant advancement in Alliance’s capabilities in biopharmaceutical research, manufacturing, and product development while expanding the company’s portfolio for international markets.

V. Supporting National Healthcare Priorities Through Advanced Pharmaceutical Innovation

On 13 May 2026, senior officials from the Ministry of Health of Lao PDR visited Alliance’s second manufacturing campus to review construction progress and discuss the future development of Laos’ pharmaceutical industry.

Discussions focused on strengthening domestic pharmaceutical manufacturing, expanding production of essential medicines, and supporting the country’s long-term healthcare objectives.

Alliance continues to advance research and preparation for the local production of specialized medicines, contributing to Laos’ pharmaceutical self-sufficiency. At the same time, the company is investing in stem cell technologies and regenerative medicine, laying the groundwork for future innovation in advanced biopharmaceutical therapies.

VI. Building the Next Generation of Pharmaceutical Talent

People remain the foundation of Alliance’s long-term success.

In 2026, Alliance established a strategic partnership with Chuxiong Medical Higher Specialized College to strengthen international education and workforce development in pharmaceutical and medical sciences.

The partnership includes overseas internship programs, tailored professional training, and two-way talent exchange between China and Laos.

As Alliance continues to expand internationally, these collaborations will help develop the highly skilled workforce required to support the company’s future growth.

VII. Strengthening Patient Safety Through Anti-Counterfeiting Measures

Alliance remains firmly committed to protecting patients and preserving the integrity of its products.

Following the discovery of counterfeit ALI-TIRZEP products in the marketplace, the company issued an official public statement warning consumers to purchase only through authorized channels and to verify product authenticity using official packaging, Lao FDA registration information, and anti-counterfeiting verification features.

Alliance will continue to pursue legal action against counterfeit products to safeguard patient safety and protect consumer confidence.

VIII. Advancing Innovation in High-Impact and Rare Disease Therapies

Alliance continues to expand its research and development efforts in therapies for major chronic diseases and rare diseases, reinforcing the company’s commitment to scientific innovation and improving access to advanced healthcare solutions.

By investing in cutting-edge technologies, strengthening research capabilities, and fostering international collaboration, Alliance is building a platform for the next generation of pharmaceutical innovation in Laos and throughout Southeast Asia.