ຊື່ທົ່ວໄປ: Mefenamic acid tablets
ຊື່ຜະລິດຕະພັນ: AlliMefmic-500MG
ສ່ວນປະກອບ:
ໃນ 1 ເມັດປະກອບດ້ວຍ:
Mefenamic acid……………………………….500mg
ຂໍ້ບົ່ງໃຊ້:
• ໃຊ້ບັນເທົາອາການເຈັບປວດເລັກໜ້ອຍຫາປານກາງ ເຊັ່ນ: ປວດຫົວ, ເຈັບແຂ້ວ, ເຈັບປວດຕາມກ້າມເນື້ອ, ປວດຕາມກະດູກ, ປວດບາດແຜ, ປວດບາດແຜຫຼັງການຜ່າຕັດ, ປວດປະດົງ ແລະ ອື່ນໆ. ນອກຈາກນັ້ນ, ຍັງບັນເທົາການປວດຈາກປະຈໍາເດືອນ.
ວິທີໃຊ້:
• ຜູ້ໃຫຍ່ ໃຊ້ແກ້ປວດ ຫຼື ຮັກສາປະຈຳເດືອນ ຄັ້ງແລກແມ່ນກິນ 1 ເມັດ ( 500mg ), ສືບຕໍ່ກິນເຄີ່ງເມັດ (250mg) ໃນທຸກໆ 6 ຊົ່ວໂມງ. ບໍ່ຄວນກິນຕິດຕໍ່ກັນເກີນ 7 ວັນ
ຂໍ້ຫ້າມໃຊ້:
• ຫ້າມໃຊ້ໃນຜູ້ແພ້ຢານີ້ ແລະ ຢາຕ້ານການອັກເສບໃນກຸ່ມ NSAIDs.
• ຫ້າມໃຊ້ໃນຜູ້ເປັນບາດແຜໃນກະເພາະອາຫານ.
• ລຳໄສ້ອັກເສບ.
• ຫ້າມໃຊ້ໃນແມ່ຍິງຖືພາ ແລະ ແມ່ຍິງທີ່ກຳລັງລ້ຽງລູກດ້ວຍນ້ຳນົມແມ່.
ຄຳເຕືອນ:
• ຜູ້ທີ່ມີອາການແພ້ຢາ Aspirin ຫຼື ຢາແກ້ອັກເສບທີ່ຢູ່ໃນກຸ່ມ NSAIDs ອາດມີອາການແພ້ຕໍ່ຢານີ້ ແລະ ຍັງສາມາດເຮັດໃຫ້ເກີດພາວະຫຼອດລົມຫົດເກັງໃນຜູ້ປ່ວຍທີ່ມີໂລກຫອບຫືດທີ່ແພ້ຢາ Aspirin.
• ຄວນກິນຢານີ້ຫຼັງອາຫານ ຫຼື ພ້ອມອາຫານ ເພື່ອຫຼຸດຜ່ອນການລະຄາຍເຄືອງຕໍ່ກະເພາະລຳໄສ້.
• ບໍ່ຄວນກິນຢານີ້ຕິດຕໍ່ກັນເກີນ 7 ວັນ
• ເມື່ອມີອາການຖອກທ້ອງ ແລະ ມີຕຸ່ມຜື່ນເກີດຂຶ້ນໃນໄລຍະການໃຊ້ຢານີ້, ຄວນຢຸດໃຊ້ທັນທີ.
• ຄວນໃຊ້ຢ່າງລະມັດລະວັງໃນຜູ້ປ່ວຍທີ່ເປັນມະເຮັງ ເພາະວ່າມັນສາມາດເພີ່ມຄວາມເປັນພິດຕໍ່ກະເພາະລຳໄສ້ ແລະ ໝາກໄຂ່ຫຼັງ ລວມທັງຢັບຢັ້ງການເຮັດວຽກຂອງ ເມັດເລືອດນ້ອຍ (platelet).
ຜົນຂ້າງຄຽງ:
• ຜົນຂ້າງຄຽງອາດພາໃຫ້ປວດຫົວ, ວິນວຽນ, ປຸ້ນທ້ອງ, ຮາກ, ເບື່ອອາຫານ, ອາຫານບໍ່ຍ່ອຍ, ເຫື່ອອອກ, ຫາຍໃຈບໍ່ສະດວກ, ນອນບໍ່ຫຼັບອື່ນໆ ແລະ ໃນກໍລະນີມີອາການຮຸນແຮງອາດເຮັດໃຫ້ເກີດບາດແຜໃນກະເພາະອາຫານໄດ້.
ຮູບແບບ: ຢາເມັດສີຂາວ.
ວັນທີໝົດອາຍຸ: 24 ເດືອນ ຫຼັງຈາກວັນທີຜະລິດ.
ຂະໜາດບັນຈຸ:
• ບັນຈຸ 2 ແຜງ, 1 ແຜ່ງມີ 10 ເມັດ.
• ບັນຈຸ 50 ແຜງ, 1 ແຜ່ງມີ 10 ເມັດ.
ການເກັບຮັກສາ:
• ເກັບໄວ້ບ່ອນບໍ່ມີແສງແດດ ແລະ ຄວາມຊຸ່ມ ພາຍໃຕ້ອຸນຫະພູມ 25ᵒC
• ເກັບຮັກສາຢາ ຫ່າງໄກຈາກມືເດັກ.
ຂໍ້ຄວາມປະຕິເສດຄວາມຮັບຜິດຊອບ
ຂໍ້ມູນເທິງເວັບໄຊນີ້ກ່ຽວກັບຢາຂອງເຮົາແມ່ນມີຈຸດປະສົງເພື່ອການສຶກສາທົ່ວໄປເເທົ່ານັ້ນ ແລະ ບໍ່ຄວນຖືເປັນການແນະນຳທາງການແພດ, ການວິນິດໄສ ຫຼື ການປິ່ນປົວຈາກແພດຜູ້ຊ່ຽວຊານ. ຢ່າເບິ່ງຂ້າມຕໍ່ຄຳແນະນຳຂອງແພດຜູ້ຊ່ຽວຊານ ຫຼື ຊັກຊ້າໃນການເຂົ້າຮັບການຮັກສາ ຍ້ອນສິ່ງທີ່ໄດ້ອ່ານຈາກເວັບໄຊນີ້.
ເພື່ອຄວາມປອດໄພຂອງທ່ານ:
ຫ້າມວິນິດໄສຕົນເອງ ຫຼື ຮັກສາອາການໃດໆ ໂດຍອາໄສຂໍ້ມູນເທິງເວັບໄຊນີ້ພຽງຢ່າງດຽວ. ຖ້າຫາກທ່ານມີຄຳຖາມ ຫຼື ຂໍ້ກັງວົນກ່ຽວກັບຢາ ກະລຸນາ
